Ekki frétt...?

Hvað annað á fólk að gera. Eru ekki allir að draga úr einkaneyslu eins og þeir geta þegar afborganir lána hækka og hækka mánuð eftir mánuð en laun og greiðslur frá ríki og lífeyrissjóðum standa óbreytt. Ég þarf enga sérfræðinga frá Glitni til að segja mér þetta í fréttum

Dregur úr greiðslukortaveltu

Ég á alvöru gæðing...

Fjörtök Smára snör ég finn

Fimi, rýmd og huga.

Með mjúkan flipa og makkann sinn

Til margs má klárinn duga

 

Hvað varð um hökuskeggið?

Hann Spori minn er í miklu uppáhaldi hjá EmmErringnum. En hún rak upp stór augu fyrir nokkrum dögum því hið mikla hökuskegg sem prýðir drenginn einkum á veturna var horfið! Ja, hvað hafði eiginlega gerst. En nú er skýringin fundin. Í gærmorgun mætti Sigþór Spora inni á snyrtingu í hesthúsinu, hann var að koma frá því að raka sig!! Gekk hiklaust fram hjá öllu heyinu í hlöðunni (sem aðrir hestar hefðu aldrei gert) og inn á snyrtingu. Þar er þessi fíni spegill sem hann getur speglað sig í við raksturinn.

 

Ég er henni Önnu Bryndísi vinkonu minni varanlega þakklát fyrir að ætla mér að eignast þennan hest. Hann er mikill gleðigjafi.

 

Á góðum degi geysumst við

Galvösk fögnum vori.

Gæfan gekk með mér í lið

Já glaður töltir Spori

Ódýrt ei meir...

Þriðjudaginn 18. desember birtist í Bændablaðinu grein eftir mig sem var að megin efni þýdd og endursögð umfjöllun úr The Economist sem á forsíðu birti fyrirsögnina "Cheap no more". Síðan þá hef ég sagt frá hækkandi matvælaverði á markaðssíðu bændablaðsins í nær hverju einasta blaði. Þessi þróun hófst af fullum þunga á síðasta ári en samfellda hækkun á kornverði má rekja lengra aftur í tímann. Ástandið er í raun skelfilegt fyrir fátækustu íbúa jarðarinnar og kemur þungt niður á fátækum löndum sem eru háð innflutningi á matvælum sem mörg þeirra eru.

Fjármálaráðherrar „í áfalli“

Segðu...

Það er gott að svo "dannaðir" karlmenn skuli enn fyrirfinnast norðan Alpafjalla....

Vonbrigði á brúðkaupsnóttinni

Á hverju byggir þessi ályktun...

Ég er búin að lesa þann hluta skýrslunnar sem fjallar um matvælaverð. Þetta er samantekt á niðurstöðum og tilvitnunum í aðrar skýrslur verð ég að segja að víða er nokkuð vaðið á súðum. Ég sé enga eigin útreikninga skýrsluhöfunda að baka þessari niðurstöðu heldur er þessari tölu 25% slegið fram eftir að búið er að fjalla um niðurstöður annarra. Það sem vitað er er að matvælaverð í Finnlandi lækkaði um 11% við aðild. Samkeppni á matvörumarkaði þar tel ég líklega meiri en hér einfaldlega vegna stærðar markaðarins. Hver áhrifin yrðu hér á landi er afar flókið mál að mínu mati og verður ekki leyst úr þeirri gátu með röksemdafærslu af því tagi sem er að finna í þessari skýrslu.

 

Telja líklegt að kjör almennings myndu batna með ESB-aðild

Aflóga ullarhattur...

Í gær sá ég ullarhatt þegar ég leit í spegilinn heima . Ekki á annað að bregða en að drífa sig til Biddu í rúning.... Árangurinn lét ekki á sér standa frekar en fyrri daginn, strákarnir virðast heldur hálslengri hér á göngunum við að horfa á eftir mér með nýju hárgreiðsluna og stelpurnar hæla okkur Biddu í hástert...

Rekst þar hvað á annars horn...

...eins og graðpening hendir vorn

Segir Seðlabankann kominn út í horn

Kjarabót...

Þetta verkefni er mikil kjarbót fyrir námsmenn og heldur vonandi áfram. Hér verður líka til kynslóð sem lærir vonandi að meta strætó og nýtir hann áfram. Næsta skrefið væri frítt fyrir grunnskólanema, hvað varð annars um erindið sem lítil stúlka gekk á fund Dags B. Eggertssonar með þegar hann var borgarstjóri...??

Farþegum hefur fjölgað um eina milljón á ársgrundvelli

Örugg matvæli...

Gríðarlegar kröfur eru gerðar til íslenskra kjúklingabænda í þessu efni, miklu meiri en gerist í ESB með etv. undantekningu í Svíþjóð. Samkvæmt frumvarpi til laga um innleiðingu matvælalöggjafar ESB munu vörur sem ekki eru gerðar sömu kröfur til hvað kamphylobakter varðar eiga leið inn á íslenskan markað. Það skýtur skökku við eins og sóttvarnalæknir segir ef fara á að gefa eftir í þessu.

Dregið stórlega úr kamfýlóbaktersýkingum