Uxabrjóst og skálastærðir...

Á veitingahúsinu Jómfrúnni í Lækjargötu er á boðstólum stórkostlegt danskt smurbrauð. Sannreyndi það síðast núna í dag. Namm....... Nafnið á einum réttinum vakti þó brosviprur í munnvikum mínum. Uxabrjóst með einhverju völdu meðlæti. Ég hef aldrei heyrt að uxar hafi brjóst . Hvað skyldi skálastærð hjá meðaluxa vera hehe...

 Líklega þýðing á danska orðinu "bryst" sem útleggst frekar sem bringa....

Konur yfir fertugt ...

Eftirfarandi áskotnaðist mér í einhverjum fjölpósti. Njótið vel mér fannst þetta allavega eiga vel við mig  

- Andy Rooney í 60 mínútum - tær snilld...

Eftir því sem ég eldist, met ég mest konur yfir fertugt og hér eru nokkrar ástæður fyrir því: Kona yfir fertugt mun ekki vekja þig um miðja nótt og spyrja þig "hvað ertuað hugsa?" Henni gæti ekki verið meira sama. Ef kona yfir fertugt vill ekki horfa á leikinn með þér vælir hún ekki yfir því. Hún gerir eitthvað sem hana langar til og yfirleitt er það áhugaverðara en leikurinn. Konur yfir 40 eru virðulegar í framkomu. Þær fara sjaldan í öskurkeppni viðþig í óperunni eða á fínum veitingastað. Nema þú eigir það skilið, þá hika þær ekki við að skjóta þig ef þær halda að þær komist upp með það. Eldri konur eru örlátar á hrós, oft óverðskuldað. Þær vita hvað það er aðvera ekki metin að verðleikum. Konur verða skyggnar með aldrinum. Þú þarft aldrei að viðurkenna misbrestiþína fyrir þeim. Þegar þú getur litið framhjá einni eða tveimur hrukkum er kona yfir 40 langtum kynþokkafyllri en yngri kynsystur hennar. Eldri konur eru hreinar og beinar. Þær segja þér eins og skot að þú sért asni ef þú hagar þér sem slíkur. Þú þarft aldrei að fara í grafgötur með hvar þú hefur þær. Já, við dásömum konur yfir fertugt af mörgum ástæðum. Því miður er það ekki gagnkvæmt. Því fyrir hverja glæsilega, smarta og vel greidda konu yfir fertugt, er sköllóttur, vambmikill forngripur í gulum buxum gerandi sig að fífli fyrir 22gja ára gengilbeinu. Konur, ég biðst afsökunar. Til allra þeirra karla sem segja; "Afhverju að kaupa kúna þegar þú getur fengið mjólkina frítt?" þá eru hér nýjar upplýsingar: Nú á tímum eru 80% kvenna á móti giftingum. Hvers vegna? * Vegna þess að konur gera sér grein fyrir að það borgar sig ekki að kaupa* * heilt svín þótt þær langi í smá pylsu!*

Löngu vitað...

Það er langt síðan ég las sambærilega umfjöllun, auðvitað er eyrnamergur eitthvað sem náttúran hefur þróað og á hlutverk. Annað mál er að það má nú kannske hreinsa það sem lafir út um eyrnagöngin.....

Bómullarpinnar gera meira ógagn en gagn

Gestrisni og kurteisi...

Gestrisni hefur löngum þótt meðal æðstu dyggða íslenskra heimila. Skammt er þar að minnast rausnarheimilis Laufeyjar ömmu minnar og Bjarna afa, en þar var löngum gestkvæmt. Eins og hún orðaði það í bréfi til Lellu dóttur sinnar (lauslega endursagt eftir minni) "...og þá komu Nonni og Gunna með sín börn, og það var í þrjá daga. Og svo komu Lúlli og Lilla með sín börn, tengdason, ömmu hans og tvo vini og það var um helgina fram á þriðjudag...". Einhvern veginn svona var ágangurinn á því heimili.

Ein helsta dyggð í gestrisni hefur löngum falist í að bera mat, kökur, mat og kaffi fyrir gesti og fá þá til að belgja sig sem mest út af því. En það má ekki ganga út í öfgar. Nýlega heyrði ég sögu af ungum manni sem kom í boð þar sem honum varð á að afþakka hluta veitinganna. Dreif þá að ekki bara gestgjafann heldur og fleira fólk og gekk þar maður undir manns hönd að telja unga manninn af þessari ákvörðun. En gestgjafar verða að samþykkja að gesturinn ýmist þakki eða afþakki veitingar kurteislega hvort sem það er áfengi, sætindi eða fjólubláir tómatar.

Öfgafullt dæmi um þetta er saga sem ég heyrði af fólki sem var nánast vísað á dyr eftir að hafa móðgað gestgjafa með þvi að afþakka veitingar. Gesturin hefur þegið heimboð og sýnt með því gangkvæman áhuga á gestgjafanum. Svo er bara að njóta félagsskaparins. Ekki satt

Góðir hálsar...

...og danskir menn. Já var í kóngsins Köben 4 daga í síðustu viku og kom heim á sunnudagskvöldið. Ungfrú Selma var með í för og átti sín fyrstu kynni af norrænu samstarfi í NBC. Á fimmtudagskvöld buðu dönsku bændasamtökin til glæsilegs kvöldverðar á veitngahúsinu Páfulginum í Tívolí. Allan föstudaginn var svo fundað í NBC og var aðalefni fundarins loftslagsbreyingar í heiminum og aðlögun landbúnaðar.

En Strikið og FIELDS biðu okkar Selmu.  Við urðum ekki fyrir vonbrigðum með Fields. H&M og Only tóku vel á móti okkur. Verst hvað danska krónan er orðin skuggalega dýr..... En við fengum okkur falleg föt og spöruðum í mat í staðinn með því að drekka ókeypis ávaxtasafa sem gefinn var í markaðsskyni og borða ostborgara á Burger King!!. Hausttískan í ár stelpur mínar er bara snotur.

Húsráð í hallæri...

Er parketið þitt orðið matt? Vantar gljáa á það? Um helgina prófaði ég að setja ólífuolíu í volgt vatn og strjúka með því yfir hreint gólfið. Trúið mér það glansar á eftir, eins og nýtt. Prófaðu og settu árangurssögu í gestabókina mína.

Áralangt hugsjónastarf...

Í Kattholti hefur frú Sigríður og hennar fólk annast yfirgefna og heimilislausa ketti og fundið mörgum ný heimili. Frábært starf. Í Grænumýri býr nú einn af fyrrverandi skjólstæðingum hennar, hann herra Moli. Það er talið að hann sé gáfðasti og skemmtilegasti köttur í hverfinu og þó víðar væri leitað. Þakkir til Kattolts fyrir gott starf.

Hjálpa heimilislausum dýrum

Bakþankar hagfræðings

Í gær naut ég þeirrar ánægju að vera í hlutverki gestgjafa f.h. vinnuveitanda míns. Hjörtur eldaði hefðbundið sunnudagslæri með brúnni sósu, Tjörvi tók á móti fólkinu og Selma mín spjallaði við krakkana. Gestirnir voru grænlenskir bændur og fjölskyldur þeirra. Þarna voru þrjár kynslóðir saman á ferð, sá yngsti nokkurra mánaða. Set nokkrar myndir inn á eftir. Mikið var spjallað um landbúnað á Grænlandi og Íslandi. Helsta vandamál sauðfjárbænda þar er E-coli sýking á sauðburði. Þá vantar mjög hjálp við að greina það vandamál og kveða niður. Þegar grænlenskir bændur rækta land gera þeir samning við landsstjórnina um að fá það lánað til ræktunar. Enginn á landið og nýr bóndi þarf því ekki að kaupa land né börn af foreldrum þegar þau taka við búi. Áður en kvöldið var úti hafði Selma eignast pennavinkonu á Grænlandi. Grænlenskir bændur eiga margir íslenska hesta og nýja vinkonana sem er á sama aldri og Selma var sjálf að þjálfa eigin hest í fyrravetur, hryssu sem heitir Hekla. Við erum mjög spenntar fyrir að rækta þessi nýju tengsl.

Bólgumóri í fullu fjöri...

Það lá að eins og kallinn sagði. Já hvernig látum við bjóða okkur þetta, stjórnmálamenn komast upp með að þurfa ekki að ræða þetta í neinni alvöru vikum saman. Ríkissjóður á nú að taka á sig byrðar fyrir almenning og styrkja innviði efnahagslífsins með því að taka lán til að auka gjaldeyrisforðann og þó fyrr hefði verið.

Verðbólgan 14,5%

Bakþankar búfræðings...

Á morgun birtir Hagstofan vísitölu neysluverðs. Greiningardeild Landsbankans heyrði ég að spái 15% verðbólgu. Milljón króna lán hækkar m 150 þús. kr. á ársgrundvelli. Reikni hver fyrir sig hve lengi hann er að vinna fyrir lánahækkuninni. Er einhver að aðhafast eitthvað út af þessu. Fjölmiðlar velta sér upp úr því hvort eitthvað flugfélag hafi flogið með byssur til Georgíu. Eru þessi flugfélag ekki í bisness og voru þar að auki með tilskilin leyfi. Hver er fréttin? Utanríkisráðherra fær að svara spurningum um efnahagsmál í Kastljósi með hummi og ha.... Lántaka fyrr á árinu hefði verið ríkinu of dýr... á meðan blæðir einstaklingum og atvinnulífi. Hvar ætlar ríkið að hafa skatttekjur þegar fyrirtækin leggja upp laupana og atvinna minnkar...?

Leggið við hlustir kl. 10 á morgun - bíðum spennt eftir nýjustu fréttum af Bólgumóra...