Breytt starfsumhverfi

Allt kapp er lagt á að fyrirhugaður ráðherrafundur í vikunni 21.-26. júlí skili árangri. Falconer sagði á aðalfundi IFAP í Varsjá að flest sem eftir væri að ná samkomulagi um í landbúnaðarhluta viðræðnanna yrði að leysa á ráðherrafundi. Viðræðurnar snúast síðan einnig um NAMA - Non-agriculturala-market-access. Aðildarþjóðir reyna hver um sig að ná ásættanlegu jafnvægi í öllum þáttum viðræðnanna áður en samningum lýkur. Viðbúið er að staðan í Bandaríkjunum sé ekki fallin til að liðka fyrir lyktum samninga nú. Bæði juku Bandarísk stjórnvöld stuðning sinn við búvöruframleiðendur í vor og síðan eru forsetakosningar í haust.

Engu að síður er búið að liggja fyrir síðan í júli 2004 að hverju stefndi. Enginn vafi er á að nýt samkomulag innan WTO mun kalla á umtalsverðar breytingar ár rekstrarumhverfi landbúnaðarins hér á landi.

Tollar lækki um 66-75%

Árás á efnahag heimilanna...

Launavísitalan hefur hækkað minna en vísitala neysluverðs sl. 12 mánuði.

Gengið lækkar, lækkar og ...............lækkar.

Ég er farin í sveitina að lifa á fjallgrösum, silungi og mjólk umfram greiðslumark.

Lækkun krónunnar 3,58%

Alltaf gaman í ....gerði

Síðustu daga hef ég sent út og suður pistla og fréttir um færð og áningargerði á Löngufjörum, allir hestamiðlarnir, 847.is, eidfaxi.is og hestafrettir.is hafa birt efni um þetta og svo kemur lítil grein í Bændablaðið eftir helgi.

En í næstu viku verður hápunkti hestamennskunnar í ár náð en þá á að fara á útreiðar með Brynjari, Hrefnu og fjölskyldum. Herra Þytur, Smári, Spori, Smella og Snerra (Essin fjögur) eru ráðin sem ferðafélagar en sjötti ferðafélaginn er í ófrágenginn. Svo verður Grænumýrargengið með þessa fáka milli fóta sér....

Gullkálfurinn okkar...

Íbúðalánasjóður hefur margsannað gildi sitt en það er þó meira en lítið skondið að hann sé sendur til að bjarga þeim sem gagnrýnt hafa tilvist hans. Hvað segja greininga-gæðingarnir nú....

 

Íbúðalánasjóður til bjargar

Lækkaði olíuverð ekki líka...

við það að Kínverjar tilkynntu um 18% verðhækkun þar í landi. Hvenær lækka olíufélögun hér verðið á dropanum dýra...

Krónan styrkist um 1,53%

Hvað gerðist í dag...????

Jú bensínið hækkaði!!. Er ykkur alvara að spyrja svona eins og tæknitröll úr fótbolta ... eða hvað???

Gengislækkanir skila sér út í verðlagið með einum eða öðrum hætti. Unglingar hér á Seltjarnarnesi ákváðu síðastliðið haust að fara í handboltaferð til Svíþjóðar nú í byrjun júlí. Ferðin kostar 4000 kr meira en upphaflega var áætlað. Þetta verður áhrifamikil kennsla til þeirra um áhrif gengislækkana á pyngjun óbreyttra neytenda. 

Gengislækkun getur þýtt verðhækkanir

Tríkínur finnast í öðrum dýrum...

Tríkínur finnast einnig t.d. í villisvínum. Það er mín skoðun að ef frumvarp til laga um innleiðingu á matvælalöggjöf ESB verður lögfest opnist skörð í varnarmúra okkar gegn því að fá slíkan vágest inn í lífríki okkar. Heimilt verður þá að flytja hrátt kjöt til landsins nota bene sem af dýrum sem slátrað er við löglegar aðstæður undir eftirliti dýralækna. Íslendingar og ferðamenn eru í dag nokkuð upplýstir um að þetta er ekki heimilt. En verði þetta ofaná tel ég hættu á að menn geri ekki skýran mun á "löglegum" kjötafurðum og heimaunnum afurðum t.d. hrápylsum sem innihalda kjöt af villisvínum. Ef villt dýr t.d. refur komast í matarleifar þar sem slíkar afurðir leynast eru tríkínur þar með komnar í lífríkið hér á landi.

Þverárfellsbjörninn smitaður af þráðormi

Fyrirhyggja á Löngufjörum...

Það var frekar gaman um helgina hjá Grænumýrargenginu. Við Linda brunuðum vestur að Stakkhamri á laugardagsmorgninum og á eftir kom gangsterinn á rauða fordinum RX. Veðrið var yndislegt. Eftir hádegi var lagt á hesta og umhverfið skannað. Þytur sýndi Ragga fjörurnar er var helst til fjörugur við það. Um kvöldið var áætlað að fara í dúntekju en á leiðinni spurðist út að kollurnar væru rétt í þann mund að unga út eða með ungana í hreiðrunum svo við snerum frá og skoðuðum nýja gerðið í Stakkhamarsnesi. Þar hefur verið reist myndarleg áningaraðstaða fyrir hestaferðahópa. Skemmtilegt kvöld í fallegu umhverfi.

En enn og aftur kæru vinir. Fyrirhyggja er boðorð eitt til tíu í hestaferðum á Löngufjörum. Sjórinn kemur á boðuðum tíma, engin akademísk korter eða dyrum haldið opinum í kurteisisskyni. Um helgina fór hópur hestafólks frá Stakkhamri suður fjörur og stefndi á Stóra-Hraun. Þrátt fyrir íterlegar leiðbeiningar og aðvaranir staðkunnugra lagði hópurinn of seint af stað. Sjór var kominn á Hausthúsafjörur og lentu hestar á sundi þar sem þar er farið út á fjörur. Börn voru með í ferð. Engin óhöpp urðu en það vildi til að heimilishundurinn á Stakkhamri strauk með fólkinu og Laufey systir þurfti að keyra suður í Hausthús til að ná honum. Því endaði með því að hún leiðbeindi fólkinu símleiðis til lands í Kolviðarnesi og síðan yfir Haffjarðará á öruggu vaði. Fyrir örfáum árum drukknuð þrír hestar á Löngufjörum og fólk mátti þakka fyrir að ekki fór verr. Förum varlega í sumar og um ókomin ár og eigum ánægjulega ferð á þessu frábæra útreiðasvæði.

Ímyndarmál...

Allar kaffistofur landsins skeggræða nú málsatvik og afdrif ísbirnunnar á Skaga. Víst er að staðið var undir væntingum og kröfum um að allt yrði gert til að koma dýrinu til síns heima, þó ekki sé ljóst af fréttum að nein leyfi til þess hafi legið fyrir þó tekist hefði að koma því í búr. Spyrja má hvort það séu ekki náttúruleg afföll þegar ísbjörn villist svona langt frá heimkynnum sínum og í stað þess að drukkna á sundi eins og eflaust hendir einhverja þeirra, bjargast aðfram kominn og særður á land.

Öðru velti ég líka fyrir mér. Hlaupið var til handa og fóta með að fá hingað til lands rammgert búr til að troða bangsa í fyrir hugsanlegan flutning. Var öllum kröfum um sótthreinsun á búrinu sinnt? Ríkar kröfur eru um hreinsun á t.d. notuðum landbúnaðartækjum sem hafa t.d. komist í snertingu við búfjáráburð eða dýr og eru flutt hingað til lands. Hvaða ráðstafanir gerði umhverfisráðherra eða önnur yfirvöld í þessu sambandi?

Daprir en um leið sáttir

Alvarleg veikindi...

Þetta eru orðin langvinn veikindi hjá Krónunni... Verst að þetta er í samræmi við spár sem ég rak einhversstaðar augun í frá einhverri alþjóðastofnun.

Krónan veiktist í dag um 0,76%