Þessa fyrirsögn...

á fréttinni skil ég bara alls ekki. Var hann ekki bara að r.... sér

Hafði mök við dömureiðhjól

Reiðkennsla Ernu...

Jæja! Reiðskólinn opnaði í dag . Sérvalinn nemandi kom í fyrsta tímann. Ég, Spori og Þytur mættum vel á undan til að gera allt klárt. En um hálf þrjú mætti nemandinn á rauða fáknum sínum. Herra Þytur tók að sér kennsluna undir vökulu eftirliti okkar Spora. Sigþór lánaði hjálm svo öllum öryggiskröfum var fullgægt. Við riðum sem leið lá, eftri leiðina í átt að Rauðavatni. Höfðum við ekki farið langt þegar nemandinn heimtaði að farið yrði upp af fetinu til að prófa skiptinguna á Þyt. Það gekk alveg snar-vel. Þytur rann á tölti og brokki og nemandanum var hrósað í hástert fyrir frammistöðuna. Er skemmst frá því að segja að öll snerum við aftur glöð og kát eftir ánægjulegan reiðtúr í góða veðrinu. Ég er ekki frá því að það verði fleiri tímar í reiðkennslu....

Þú sparar 15.000...

Í vaxtaokrinu hér á Skerinu verða einstæðar mæður að nýta hverja matarholu sem gefst. Það hýrnaði því heldur betur yfir mér þegar ég hlustaði á auglýsingar  Rúmfatalagersins í sjónvarpinu í gær. "Svefnsófi. 14.900, þú sparar 15.000". "Sófaborð, ... þú sparar 10.000" Kauptu ennþá meira og sparaðu ... Ég hef alltaf haft það fyrir sið í veislum að geyma bestu kökurnar þar til síðast á diskinum, þess vegna ætla ég rétt fyrir kl. fimm á morgun í Rúmfatalagerinn og hirða allan þennan sparnað. Ætli Sparisjóður grínista viti af þessu...

Hvað næst?

Ætli verði næst bannað að "poppa" á almannafæri. Er það ekki á allra vitorði hvað er þarna á milli lappanna á strákunum og ekkert ósiðlegt við það

Bannað að toga í tólin

Er Háskólabíó kirkja?

Svona koma nú þarna á Mogganum, hugsa smá...  það er fjöldi fólks sem velur einmitt að nota EKKI kirkju

Fermingarvefur á mbl.is

101 húsráð Hrafnhildar...

Tamningastelpan mín hefur ráð undir rifi hverju og ég hef fyrir satt að hún sé með bók í smíðum með ofangreindum titili. Hér koma dæmi:

Fæði í ælupest: Ristað brauð með smjöri

Drykkur við hita: Flóuð mjólk

Ráð við hausverk: Undir sæng með kallinn....

Með plástur á vörinni...

Eftir að hafa unnið lengi hjá núverandi vinnuveitanda er maður hálf samdauna umhverfinu, fólkinu, mubblunum og ekki síst tölvunni sem tekur á móti manni á hverjum morgni. Ég fékk þessa fínu Fujitsu Siemens fartölvu fyrir sex (nei ég borgaði ekki með sexi sko) eða sjö árum. Hún er með windows 2000 stýrikerfi sem passar bara engan veginn inn í það tölvukerfi sem rekið er hérna í dag. Nema hvað nú er Jói tölvustrákur að verða búinn að setja upp nýja fína tölvu fyrir mig sem tekur til starfa á morgun (þar sem það er 29. febrúar tekur hana fjögur ár að verða "eins" árs).

Nema hvað, þar sem gamli rokkurinn er ekki alveg dauður úr öllum æðum efndi ég til samningaviðræðna við fjármálastjórann um kaup á honum. Venjulegar tölvur eru að fullu afkskrifaðar á 3 til 4 árum og þessi er því tví eða þrí afskrifuð í dag. Ég gerði því lágt tilboð, stakk upp á að ég fengi hana gefins . En fjármálastjórinn hér er harðari en það í horn að taka, og vitnaði í gamalt kvæði um hana Stínu sem sagði sem svo á sínum tíma: "Hún Mamma kemur í bæinn bráðum og borgar skuldina mína" Jú, enduðu þau viðskipti hins vegar ekki með einum kossi. Mér þótti þetta reyndar viðunandi tilboð og tók því áður en "stjóra" snerist hugur, hann var samt varla alveg nýrakaður svo nú er ég með plástur á vörinni..... Jóa tölvustrák fannst þetta líka ofgreitt fyrir þennan rokk sem eins og áður segir er þegar þrisvarsinnumlínulegaafskrifaður.

Unglingar og útivistarleyfi...

Ég hef varla við þessa dagana að fylgja erfingjunum eftir við að vaxa úr grasi. Selma verður 13 ára á þessu ári og þá framlengist útivistartíminn til kl. 22 á veturna og miðnættis í sumar!!!

Linda er verður 17 ára í sumar - hemmmmmm.... lögreglusamþykktir ná ekki lengur yfir hana

Í dag fékk svo yngsti fjölskyldumeðlimurinn útivistarleyfi. Moli náði þeim áfanga að hoppa af sjálfsdáðum inn og út um stofugluggann og þar með er hann útskrifaður svona á daginn alla vega. Hann er kominn með þessa sallafínu bláu ól um hálsinn og merkispjald sem dinglar fast við.  Nú getur hann farið sjálfur að heimsækja Kristínu frænku og Ingu frænku þegar hún verður flutt í Suðurmýrina

Samkeppni og tíðarandi...

Breiðavíkurmálið hefur ratað aftur á forsíður fjölmiðla nýverið, eftir að skýrsla nefndar sem fjallaði um málefni heimilisins kom út. Sem betur fer virðist eiga að taka með mannsæmandi hætti á þessu nú þó seint sé og ekki meira sagt! Ég bendi á eins og fleiri bloggarar hafa gert að langt er síðan fyrst var sagt frá þessu á prenti, sjá t.d. http://velstyran.blog.is/blog/velstyran/entry/117230/.

En sumsé afhverju tókst loksins að koma málinu á hreyfingu? Eflaust margt sem kom til en samkeppni sjónvarpsstöðva um áhorf hefur örugglega vegið þungt við að fletta ofan af þessu hneyksli.

 

Er þetta rétt verðbólgumæling??

Ekkert gengur að hemja verðbólgubálið hér á landi. Húsnæðisverð hækkar enn og vísitala án húsnæðis er á sama tíma talsvert lægri þó hún sé hærri nú en í síðasta mánuði m.a. vegna gengisáhrifa á innfluttar vörur og hækkandi eldsneytisverðs. En er rétt að birta verðbólgutölur með húsnæðisverði. Norskur kollegi minn lýsti undrun á þessari framsetningu (verðbólgu með húsnæði) á fundi sem við sátum saman fyrir hálfri annarri viku.

Verðbólga mælist 6,8%