Ofanúr Hólmsheiði...

Í dag var fyrstu fundur ættarmótsnefndar afkomenda Laufeyjar Valgeirsdóttur og Bjarna Jónssonar sem bjuggu í Bjarnarhöfn á Snæfellsnesi en þangað fluttu þau 1951 frá Asparvík á Ströndum. Nefndin hittist í Laufrimanum hjá Rúnu en í henni eru auk mín Kristinn Hjálmarsson, Hulda í Bjarnarhöfn og Björg kennslukona á Laugarvatni. Töluvert var skrafað og skeggrætt og hver veit... allavega helgin 8-10. ágúst er hér með frátekin, munið það öll.

 Eftir að hafa raðað í mig kökum og kaffi hjá Rúnu tók ég "sprettinn" upp í hesthús. Þá var hætt að rigna og brostin á þessi bongó blíða. Við tríóið EB, Spori og Herra Þytur fórum upp í Hólmsheiði að skoða aðstæður. Þar er búið að leggja veg yfir reiðstíg sem þar var í fyrra  ég var nú ekkert yfir mig hrifin af því en svona er nú það. Við fórum því aðra leið til baka og þar var búið að gera uppbyggðan reiðstíg þar sem áður var moldargata. Ekkert nema gott um það að segja, þarna er mikil umferð og komin fínasta leið. Heldur spillti þó að þurfa að ríða gamalt malbik til að komast aftur á reiðstíginn niður í Almannadal og Fjárborg. Spori sá þó við þessu með því að fara þessa leið í sem fæstum skrefum... lesist: Hann greip til yfirferðartölts og stökks svo þessu lyki sem fyrst og hann gæti gætt sér á hefðbundnum verðlaunum eftir reiðtúr.... Og eins og alltaf... mér líður bara eins og sextánára þegar hann er í þessum fíling. Við flýttum okkur meira að segja svo mikið að pískurinn sem ég var með með mér varð eftir á litla sinubalanum sem við stoppuðum á. Það er því erindi aftur upp í heiði á morgun að sækja hann og vonandi fara eitthvað lengra áleiðis upp að Hafravatni.

Hvað með...

kranana á almennings snyrtingum, höff..... hóst..... maður verður jú að skrúfa frá áður en maður þvær sér er það ekki.....

Fleiri sýklar á lyklaborði en klósettsetu

Til hamingju með daginn launafólk

Sérstakar hamingjuóskir til Aðalsteins og félaga á Húsavík með nýja stéttarfélagið þar. Öflug stéttarfélög á landsbyggðinni eru gríðarlega mikilvæg í baráttu landsbyggðarinnar fyrir halda í störf og fólk. Það er líka gott að heyra og lesa um góða mætingu á fundinn á Húsavík sem og í Reykjavík. Framundan er gríðarlegt verkefni við að verja kjör launafólks, hemja Bólgumóra og halda ríkisstjórninni að verki. Hún virðist loksins hafa tekið eftir tilboði verkalýðshreyfingarinnar og fleiri hagsmunaaðilia um að efnt verði til þjóðarsáttar við að verja kjör fólksins í landinu. Að því þurfa margir að koma.

Ég játa að ég lét mig vanta á Ingólfstorg í dag, ég fór nefnilega vestur að Stakkhamri með kaupakonu til Laufeyjar systur. Þar bíða mikil vorverk við að brjóta tún og sá korni í flög. Því var þörf á liðsauka í mjaltabásinn og sjálfsagt mun Selma líka taka að sér að liðka Snerru og jafnvel Snældu meðan hún stoppar. Reyndar tók hún líka brynfákinn sinn með sér og getur hjólað á honum milli húss og bæja með afa sínum sem geysist um á nýja rafmagnshjólinu sínu. Takið eftir 75 ára bóndi keypti sér rafmagnshjól til að spara sér sporin og velja um leið umhverfisvænan ferðamáta. Hvernig væri að ríkisstjórnin tæki sér þetta sem fordæmi og keypti rafmagnsbíla undir þoturassana

Við skruppum að sjálfsögðu í reiðtúr og ég prófaði Smára gæja sem nú er kominn úr vistinni í Hallkelsstaðahlíð. Hann hefur margt lært. Umsögn Selmu var að hann væri sá flottasti í reiðtúrnum og mamma hann er svo taumléttur. Já það sést nefnilega svo greinilega það þarf bara rétt að nikka í hann og þá rennur hann á tölti. Það þarf bara að passa að hita hann varlega upp því hann er enn stífur á hægri hliðina og Sigrún var búin að benda mér á að ef upphitun væri ekki nógu góð gæti hann fundi fyrir stífleikanum og orðið kvíðinn og þá byrjar gamla sagan....

Eldri erfinginn situr hins vegar og keppist við að lesa undir stúdentspróf í félagsfræði. Nóg að gera í prófum og upplestri næstu 3 vikur hjá henni.

Fjölmenni á 1. maí hátíð á Húsavík

Bólgumóri er brjálaður...

Höff.... Alli gamli Greenspan leggur örugglega blessun sína yfir þetta. Á meðan leikur Bólgumjóri lausum hala hér á Fróni. Vextir hér á landi eru meira en SJÖFALDIR á við Bandaríkin. Næðingurinn um tómar buddur landsmanna er skelfilegur, Norðannæðingurinn er eins og Sunnan Þeyr í samanburði. Einstæðar mæður skammta spaghetti með smjöri á disk erfingjanna og reyna að skrapa saman hverri afgangskrónu til að borga niður skuldir eins og Ásgeir frændi minn ráðleggur okkur óbreyttum launþegum í Fréttablaðinu í gær. Ég hef ekki húmor fyrir þessu... . Venjulegt fólk á engan afgang til að borga niður skuldir eða leggja fyrir. Við eigum nóg með að reka heimilin við þessar kringumstæaður.  Nú hækkar allt samtímis, lánin, bensínið, nefndu það ja nema ef vera skyldi launin. Ég heimta Ameríska vexti og að Bólgumóri verði tjóðraður inni í grafhvelfinu Seðlabankans í eitt skipti fyrir öll.

Bandarískir vextir lækkaðir

... en var þeim ekki alvara allan tímann?

Þetta er undarleg yfirlýsing frá settum forstjóra. Var einhver ástæða til að ætla að fólkninu væri ekki alvara. Það er alvörumál að reka hátæknisjúkrahús, þjálfun hæfs starfsfólks hlýtur að taka tíma og kosta fé og nýtt fólk er ekki gripið upp. Ég er bara áhorfandi að þessum atburðum og svo heppin að þurfa ekki í dag á þessari þjónustu að halda. Það þýðir ekki bara að vona að eitthvað gerist ekki eins og forsætisráðherrann okkar lýsti yfir á forsíðu Fréttablaðsins í gær, þegar hann vonaði að verðbólgan minnkaði fljótt! Þeir sem eru í forstjórastólum eða ráðherrastólum bera ábyrgð og þurfa þar af leiðandi að AÐHAFAST!!

Mikil vonbrigði

Hvað sögðu...

frúrnar í bænum um þetta.... ?  voru þessir kallar ekki best geymdir við að spila myllu úti á bæjartorginu...

Eldri borgarar fá frítt viagra

Nú er úti norðanvindur...

...og ég heimta að Bólgumóri verði tjóðraður inni í Seðlabankanum í þessu veðri. Nógur er næðingurinn samt!!!

Félagsmálin...

Dagurinn í dag hefur verið annasamur. Ég tel mig ekki beint félagsmálafrömuð en alltaf blundar þó í manni að taka þátt í slíku starfi. Þetta byrjaði í Íþróttafélagi Miklaholtshrepps í gamla daga. Þar tók ég við starfi ritara af Ellu heitinni í Miklaholti einhverntíma á unglingsárum. Þá var Guðbjartur frændi á Hjarðarfelli (þá enn laus og liðugur ) formaður og því minn fyrsti eiginlegi félagsmálakennari. Næsti félagsmálakennari og kennari til ökuréttinda var Níels Árni Lund. Í dag gegni ég ábyrgðarstörfum í tveimur félögum. Annað þeirra er Félag norrænna búvísindamanna - NJF. Þar er ég gjaldkeri. Dagurinn í dag fór í að berja saman reikninga félagsins því á morgun er aðalfundur. Þó reikningarnir hafi enn ekki hlotið blessun endurskoðanda er óhætt að greina frá því að hvaða ríkissjóður sem er gæti verið stoltur af þeim rekstri sem er á þessu félagi.... . Ég ætla bara rétt að vona að Bólgumóri nái svo ekki í mína sjóði ...

Ekkert...

...blávatn þessir...

Gas! Hringitónn slær í gegn

118 ....

auðvelt að muna, verður þetta næst neyðarnúmerið 112....prómill verðbólga -

Verðbólgan „skelfileg"