Bólgumóri er brjálaður...

Höff.... Alli gamli Greenspan leggur örugglega blessun sína yfir þetta. Á meðan leikur Bólgumjóri lausum hala hér á Fróni. Vextir hér á landi eru meira en SJÖFALDIR á við Bandaríkin. Næðingurinn um tómar buddur landsmanna er skelfilegur, Norðannæðingurinn er eins og Sunnan Þeyr í samanburði. Einstæðar mæður skammta spaghetti með smjöri á disk erfingjanna og reyna að skrapa saman hverri afgangskrónu til að borga niður skuldir eins og Ásgeir frændi minn ráðleggur okkur óbreyttum launþegum í Fréttablaðinu í gær. Ég hef ekki húmor fyrir þessu... . Venjulegt fólk á engan afgang til að borga niður skuldir eða leggja fyrir. Við eigum nóg með að reka heimilin við þessar kringumstæaður.  Nú hækkar allt samtímis, lánin, bensínið, nefndu það ja nema ef vera skyldi launin. Ég heimta Ameríska vexti og að Bólgumóri verði tjóðraður inni í grafhvelfinu Seðlabankans í eitt skipti fyrir öll.

Bandarískir vextir lækkaðir

Athugasemdir

[Anna (IP-tala skráð) 30.4.2008 kl. 21:07]

Amen.

 Ég gæti ekki verið meira sammála þér í þessu, hvenær ætla Íslendingar að standa saman og krefjast úrbóta á þessum dimmu tímum.  Þetta gengur ekki lengur og það er ekki bara Seðlabanki Íslands sem hjálpar til við þetta slæma efnahagslíf sem ríkir á Íslandi, ríkisstjórnin virðist vera blind þegar að þessum málum kemur. Ég styð orð Guðna Ágússtonar þegar hann sagði að ríkisstjórni ætti að segja af sér.

[Galdrakallinn (IP-tala skráð) 30.4.2008 kl. 21:21]

Við skulum vona að þetta sé aðflug að snertilendingu,en ekki aðflug að brotlendingu,ég er samt hræddur um að dýra bensínið sé á þrotum í einkaþotu Glaumþings(Kaupþing)þó að hagnaðartölur segi annað.

Nú er ekki á toppnum að segja Gas Gas Gas nú segjum við og förum að ráðum greiningadeildarhagfræðingana og segjum Spara Spara Spara.og borga gamlar skuldir

[Erna Bjarnadóttir, 30.4.2008 kl. 22:40]

Hu... var Glaupþing ekki að hagnast um átjánkommasjömilljarða, frétti þetta suður í Kópavogi . Þeir hljóta að eiga fyrir Hellesensrafhlöðum á iPhonana sína. Hu... þessir greiningardeildagæðingar... sorry Ingólfur Bender sagði að verðbólgan myndi minnka þegar einkaneyslan dregst saman - afþví að verðbólgan er búin að éta upp kaupmáttinn í laununum okkar eðahvað??? Ég legg til að fjölmiðlar hætti að tala við málpípur bankastjóra um efnahagsmál en ræði frekar við hagfræðinga stéttarfélaga og hagsmunasamtaka. GAS GAS