Segðu...

Það er gott að svo "dannaðir" karlmenn skuli enn fyrirfinnast norðan Alpafjalla....

Vonbrigði á brúðkaupsnóttinni

Á hverju byggir þessi ályktun...

Ég er búin að lesa þann hluta skýrslunnar sem fjallar um matvælaverð. Þetta er samantekt á niðurstöðum og tilvitnunum í aðrar skýrslur verð ég að segja að víða er nokkuð vaðið á súðum. Ég sé enga eigin útreikninga skýrsluhöfunda að baka þessari niðurstöðu heldur er þessari tölu 25% slegið fram eftir að búið er að fjalla um niðurstöður annarra. Það sem vitað er er að matvælaverð í Finnlandi lækkaði um 11% við aðild. Samkeppni á matvörumarkaði þar tel ég líklega meiri en hér einfaldlega vegna stærðar markaðarins. Hver áhrifin yrðu hér á landi er afar flókið mál að mínu mati og verður ekki leyst úr þeirri gátu með röksemdafærslu af því tagi sem er að finna í þessari skýrslu.

 

Telja líklegt að kjör almennings myndu batna með ESB-aðild

Aflóga ullarhattur...

Í gær sá ég ullarhatt þegar ég leit í spegilinn heima . Ekki á annað að bregða en að drífa sig til Biddu í rúning.... Árangurinn lét ekki á sér standa frekar en fyrri daginn, strákarnir virðast heldur hálslengri hér á göngunum við að horfa á eftir mér með nýju hárgreiðsluna og stelpurnar hæla okkur Biddu í hástert...

Rekst þar hvað á annars horn...

...eins og graðpening hendir vorn

Segir Seðlabankann kominn út í horn

Kjarabót...

Þetta verkefni er mikil kjarbót fyrir námsmenn og heldur vonandi áfram. Hér verður líka til kynslóð sem lærir vonandi að meta strætó og nýtir hann áfram. Næsta skrefið væri frítt fyrir grunnskólanema, hvað varð annars um erindið sem lítil stúlka gekk á fund Dags B. Eggertssonar með þegar hann var borgarstjóri...??

Farþegum hefur fjölgað um eina milljón á ársgrundvelli

Örugg matvæli...

Gríðarlegar kröfur eru gerðar til íslenskra kjúklingabænda í þessu efni, miklu meiri en gerist í ESB með etv. undantekningu í Svíþjóð. Samkvæmt frumvarpi til laga um innleiðingu matvælalöggjafar ESB munu vörur sem ekki eru gerðar sömu kröfur til hvað kamphylobakter varðar eiga leið inn á íslenskan markað. Það skýtur skökku við eins og sóttvarnalæknir segir ef fara á að gefa eftir í þessu.

Dregið stórlega úr kamfýlóbaktersýkingum

Þetta er alvöru vandamál...

...og ekki uppgötvað í síðustu viku. Birgðir af korni og mjólkurvörum eru þær minnstu í áraraðir. Þegar farið er að nota mat í stórum stil til að keyra bíla á lætur eitthvað undan.

Hækkandi matarverð er alþjóðlegur vandi

hvað varð um...

þennan bunsj of money sem bankarnir græddu um daginn....???????  

Samið við norræna seðlabanka?

Útflutningstollar í stað innflutningshindrana

Æ fleiri ríki í heiminum grípa nú til þess ráðs að setja á útflutningstolla á matvæli til að halda niðri verði til neytenda innanlands. Síðustu tvær vikur hafa Kambódía, Indonesía, Kazakstan, Rússland, Argentína, Úkraína og Taíland tekið skrefið og innleitt útfluntingstolla eða aðrar útflutningstakmarkanir s.s. kvóta fyrir fjölmargar landbúnaðarafurðir til að bæta birgðastöðu innanlands og halda aftur af verðhækkunum gagnvart neytendum. Einnig má nefna Kína, Indland og Pakistan. Þessar aðgerðir verða hins vegar til þess að halda niðri verði til bænda og spurningin er því sú hvort afleiðingar aðgerða af þessu tagi til lengri tíma verða þær að bændur auka ekki framleiðslu sína og endirinn verði sá að þegar upp er staðið fáist minna af því sem maður vill fá meira af, þ.e.a.s. matvælum.

 

Mótmæli við hækkandi matvælaverði hafa blossað upp víða um heim nú síðast bárust fréttir um það frá hinu bláfátæka Haiti. Af öðrum löndum má nefna Mexíkó, Indonesíu og Burkína Faso.

 

Á sama tíma og útflutningslönd leggja tolla og aðrar takmarkanir á útflutning matvæla leitast þjóðir sem eru háðar innflutningi, við að byggja upp birgðir af matvælum. Dæmi um það eru Kína, Tyrkland og Íran. Báðar þessar aðgerðir eru síðan fallnar til þess að ýta undir hækkanir á heimsmarkaðsverði búvara.

 

Sem dæmi má nefna að verð á hrísgrjónum í Asíu náði methæðum í lok mars. Í janúar var verð á tonni af hrísgrjónum $380 en í lok mars var það $760/tonnið. Þrjátíu og fjögur ár eru síðan verð á hrísgrjónum var síðast sambærilega hátt.  Meðalverð á hrísgrjónum árið 2007 var $334/tonn.

 Í nýrri samantekt frá Alþjóðagjaldeyrissjóðnum “Riding a wave” sem nálgast má á www.imf.org, er fjallað um hækkað heimsmarkaðsverð á ýmsum hráefnum s.s. olíu og málmum, og matvælum. Ljóst er að hátt olíuverð hefur áhrif á matvælaverð þar sem allt að 20-50% af uppskeru maís og repjufræja er breytt í lífeldsneyti í sumum löndum. Þetta hefur hins vegar engin áhrif á bensínmarkaðinn því lífeldsneyti er aðeins um 1,5% af eldsneyti sem notað er á farartæki í sömu löndum.  

Óeirðir vegna hungurs

Grasmótoragengið - taka tvö!

Já það gaf til að fara aftur í hesthúsið í kvöld. Nú getum við mæðgur gengið að því vísu að fara þrjár saman í reiðtúr því Geisli litli er orðin þetta fína reiðfær og skokkar með hinum klárunum á sínum gangi og hraða. Strákurinn er lúsþægur, viljinn má fara að aukast svona bráðum en þetta er allt í besta lagi ennþá. Hann hefur líka fimm aðferðir við að bera fæturna fyrir sig. Fetið mjög gott, brokkið þarf að styrkja, töltið laflaust og skeið, ja nóg til af því og svo er hann svo mjúkur og góður á stökki. Herra Þytur tók lífinu heldur rólegar í kvöld enda engin Ógn nærri. Spori var í sínum góða gír, reyndar var ekki laust við að knapinn í kvöld (sem stundar nám í MR) hálfkvartaði yfir að gamla brýnið væri búin að hálfsvæfa klárinn, það væri ekki sami sprengjuviljinn í honum og í fyrra ...  sumir vilja jú helst ríða gandreið....