Eitthvað gustaukandi...

Hvernig er þetta eiginlega með veðurguðina - lifa þeir eingöngu á gustaukandi 

Hver er vandinn...

Jú útflutningsverðmæti sjávarafurða drógust saman um 17% á föstu gengi. Verðmæti útfluttra iðnaðarvara jókst aðeins um 0,3% - er samt ekki komið heilt álver í viðbót eða var það komið í gagnið svo snemma árs 2007? Verðmæti innflutnings á eldsneyti og smurolíum er hins vegar 47% meira en á sama tíma í fyrra - á föstu gengi. Getur einhver upplýst hvað veldur ... ég hef heyrt að erlendir fjárfestar eigi bensín í geymslum á Íslandi...Er það hluti af skýringunni. Verðmæti þessa innflutnings er meiri en á mat og drykkjarvörum. Mikil aukning varð líka í bílainnflutningi.

Áfram mikill halli á vöruskiptum

Heilræði dagsins...

Oft er best sitt kreditkort í náttborðsskúffu að geyma...

...sagði ég ekki

... nú er mál að nota visa kortið í hvelli hinir hækka auðvitað í kjölfarið....

N1 hækkar verð á bensíni og díselolíu

Enn tekst þó að halda matvöruverði niðri...

Verð á mat- og drykkjarvörum hækkaði um 0,35 og áhrif á vísitölu eru 0,04 prósentustig. Af matvöurm hækkuðu brauð og kornvörur mest, um 2,47%. Fiskur hækkaði um 1,79% og sykur, súkkulaði og sælgæti hækkaði um 1,62%. Kjöt lækkaði um 1,39% sem hafði áhrif til lækkunar um 0,04 prósentustig. Mjólk ostar og egg lækkuðu um 0,08% og grænmeti og kartöflur um 1,32%.

Mesta verðbólga í 6 ár

Málsháttur dagsins...

Sjaldan er gott visa-kort of oft notað...

Kreppuvarnir...

Í dag skrapp ég með yngri erfingjanum að kaupa skó á "gamla" verðinu. Finnur Árnason er búin að messa svo yfir okkur í Baugsmiðlunum undanfarna daga að ungir sem aldnir eru farnir að trúa að hér sé kreppa í uppsiglingu. Það er því hver að verða síðastur að kaupa.... kaupa.... kaupa á "gamla" verðinu. Þessir skór eru hins vegar svo veglegir að þeir eiga eftir að duga vel fram á næsta vetur

Alltaf gaman á útreiðum...

Gamla brýnið í Mýrinni hefur verið venju fremur pólitísk undanfarið hér á blogginu... Það eru hvort sem er svo fáir - en mikilvægir - sem lesa það og vita nokkuð hvernig kella er .

Eftir að hafa staðið langleitir í hesthúsinu síðan á laugardag voru þeir félagar, Spori, Þytur og Geisli heimsóttir í dag. Ég og yngri erfinginn og Hrafnhildur ráðagóða renndum okkur í reiðtúr á þeim. Hann Geisli er alveg dæmalaust rólegt tryppi. Hann skálmaði yfir ísskæni, spilaði "fótbolta" með beyglaðri áldós og tölti og brokkaði eftir pöntun. Nú er bara að styrkja hann svo hann auki ferðina og bæti jafnvægið. Hann fæst keyptur ef gott tilboð kemur fram en látið ykkur ekki detta í hug að hann sé á neinni útsölu . Hinir strákarnir voru yfirvegaðir en þeir vita líka alveg hvað bíður eftir reiðtúrinn.....namm namm...kögglar....

...og fjölmiðlar kynda undir

...með sínu krepputali. Þeir hafa ekki látið sitt eftir liggja að bera út boðskap verslunarinnar í þessu efni. Má ég biðja um gagnrýni fjölmiðla ekki mötun... . Hverjir eiga annars allavega suma af þessum fjölmiðlum.....

ASÍ gagnrýnir sjálfvirkar verðhækkanir

Fylgjumst með verðbreytingum...

Neytendur verða að standa vaktina nú á næstu dögum. Finnur Árnason segir í Fréttablaðinu í dag að von sé á 8-12% hækkun á gosi og söfum á næstunni. Vinkona mín ein er afar hirðusöm og fylgist vel með verðlagi. Fyrir framan mig eru tveir strimlar frá henni úr Bónus í Spönginni annar frá 14. mars og hinn frá 20. mars. Þann 14. mars greiddi hún 77 kr fyrir 1/2 líter af diet kók en 92 kr þann 20. mars. Hækkunin er tæp 20% . Ef Finnur ætlar að hækka gosið um 10% í viðbót fer 1/2 líter af diet kók yfir 100 kr í lágvöruverðsverlsun