Flottir...

... vona bara að það sé þá enginn hrollur í spússum þeirra....

Mikill hiti í bílstjórum

...og liðin 3 ár eða hvað?

Tek undir með Sóleyju, þetta er ótrúlegt. Þrír mánuðir í fangelsi! Það vakti von um að dómskerfið myndi rakna úr rotinu þegar ríkissaksóknar setti lögreglu nýverið tímafrest til að ljúka rannsókn nauðgunarmála. Væri ekki upplagt að hrista upp í þessu í leiðinni  

Átta mánuðir fyrir ítrekaðar líkamsárásir gagnvart fyrrverandi eiginkonu

Tja...

..ég hef nú meiri áhuga á karlmannlegum eintökum..

Geldingar í fegrunartilgangi bannaðar

Þúsund bjartar sólir....

Ég lauk í gær við að lesa bókina Þúsund bjartar sólir. Bókin segir sögu tveggja kvenna ásamt sögu átaka í Afganistan síðustu 20-30 árin. Fyrir minn smekk var Flugdrekahlauparinn eftir sama höfund betri bók því mér fannst söguhetjur bókarinnar trúverðugri og bókin skila betur ákveðnum menningarheimi. Ömurlegt líf kvenna í Afganistan er þungamiðja þessarar bókar og víst er að þær hafa ekki verið ofhaldnar af sínum hlut. Það er vonandi allra vegna að ástandið í þessu landi batni varanlega en þarna er við ramman reip að draga.

Má ekki slaka á baráttunni í Afganistan

kemur ekki á óvart...

... svo er bara að nudda saman geislabaugunum á eftir

Úthald ekki lykillinn að góðu kynlífi

Svína með gemsann...

Það kemur fyrir að gamla brýnið í Mýrinni bregður sér röska bæjarleið t.d. fer ég reglulega upp á Hólmsheiði og jafnvel alla leið upp í Mosó. Dagsdaglega er ég hins vegar svo heppin að þurfa bara að snattast hérna vestan við læk. Jæja en þetta er einmitt fréttin sem mig vantaði. Á ferðum mínum austur fyrir Læk blöskrar mér nefnilega oft á tíðum aksturlag margra samborgaranna. Mörg dæmi hef ég séð af ökumönnum sem rúlla sér í ytra hringtorgi fram hjá 2-3 afreinum og skeyta engu um forgang innra hringtorgs. Svo er það eftirlætisiðja sumra miðaldra heimilsfeðra á jeppum og myndarlegra karlmanna á aflmiklum bílum, að zikkzakka milli akreina í framúrakstri, helst með farsímann í hendinni kjaftandi í hann á fullu nú eða kærustuna við hliðina á sér. Maður þakkar fyrir að fá þetta lið ekki inn í hliðina á Oktavíu. Um daginn þegar mótorhjólaslys varð á Vesturlandsvegi undir brúnni yfir á Sogaveg skeyttu ökumenn ótrúlega litlu um sjúkrabílinn... kommmón góðir hálsar á ekki að færa sig og gefa vinstri akrein lausa!!!!! Og svo að lokum nett skilaboð: Gangbraut þýðir að ég best veit að gangandi eiga réttinn ekki að þeir megi labba yfir ef þeir eru svo heppnir að ökumenn stoppa og elskurnar mínar ... Framúrakstur á og við gangbraut er fólskulegt athæfi ég hef séð liggja nærri slysi við slíkar aðfarir og það var ekki þeim ökumanni sem slíkt gerði að þakka að ekki fór illa.

Sautján ára á hraðferð

þoturassar....

Góðir hálsar, Geir og Solla mega ferðast með einkaþotu ef það kostar skattborgarana minna en áætlunarflug ... verum nú málefnaleg ... Ferðalög kosta líka tíma, hugsanlega auka gistingu, leigubíla og veit ekki hvað.... En það að hafa utanríkismálanefnd alþingis eins og hornkerlingu þegar málefni Nató gamla eru annars vegar er auðvitað ámælisvert

Ferðamáti gagnrýndur

Veðrið í Fjárborg kl. 16.00

Leikþátturinn gerist í Bændahöllinni í samtímanum (2. apríl 2008) 

Hrossabóndi af Seltjarnarnesi tekur upp símann og hringir upp á Hólmsheiði í Hrafnhildi tamingakonu. Síminn hringir og svarað um hæl.

Erna: Er þetta í Rokarassgati?

Hrafnhildur: Já - æi... Sveipur færðu þig tuðar hún

Erna: Er Kári heima?

Hrafnhildur: Já - hann er úti að blása.... Sveipur, hvað sagði ég....

Erna: Þá nenni ég ekki í hesthúsið, bið að heilsa að sinni

HVENÆR Á ÞESSU ROKI AÐ LINNA???????????????????

Ætla að kaupa veðurstöð á Safnkortstilboði hjá N1, þar fór sparnaðurinn af bensíninu sem ég dældi á bílinn hjá þeim á 25 króna tilboðinu í dag......

Litlir fantar...

Hvernig er þessi heimur að verða... Foreldrar hafa skyldur til að rækta virðingu nemenda fyrir kennurum. Stundum dettur mér í hug þegar erfiðir nemendur berast í tal að það eigi að senda þeim foreldrum sem nenna ekki að ala börnin sín upp, reikning frá skólanum fyrir þeirri fyrirhöfn sem óagaðir grislingar valda.

Ætluðu að ræna kennaranum

Ég vil peningana mína strax...

Í gær skilaði ég fyrsta framtali eldri erfingjans. Snótin vann sér inn nokkrar krónur í fyrra og nú var komið að því að staðfesta það við Skattmann. Gamla brýnið gerði auðvitað bráðabirgðaútreikning og þá kom í ljós að erfinginn átti nokkrar krónur inn reyndar heilar 13 þúsund og staurblanka námsmenn munar um minna. Ég átti alveg eins von á eftir viðbrögðin að hún myndi panta sér leigubíl í hvelli og ganga á fund skattstjóra klukkan hálftíu í gærkvöldi til að heimta sínar krónur og engar refjar. En ekkert annað er í boði en að bíða fram í ágúst. Þessar krónur liggja vaxtalaust hjá Skattmann þangað til.... er ekki hægt að telja fram í evrum.....