Þemað er íslenska sauðkindin...

Nú á að vera þorrablót í vinnunni á föstudagskvöldið. Þema kvöldsins er íslenska sauðkindin!

Ég ætla að sjálfsögðu að mæta í Pífu... en nú skora ég á vini og vandamenn nær og fjær að koma með góðar tillögur um fylgihluti eða annað sem fer vel við.

Sjálfri hefur mér dottið í hug að hekla undirföt í sömu litum en þau sjást bara ekki á öðru en því að mig mun væntalega klæja meira í "botninn" en hversdags..... Kannske mætti þæfa flókaskó....en ég kann lítið fyrir mér í því....   Koma svo...........

Athugasemdir

[Vilborg (IP-tala skráð) 21.2.2008 kl. 11:03]

Sauðskinnsskór með bróderuðum ílepp er það ekki voða sparilegt?  Skalt hlífa þér við þjóðlegu undirfötunum, en þess í stað skella háleistum á prjóninn og þú slærð í gegn. Punkturinn yfir I-ið er svo heimagerð hálsfesti úr einhverju sem til fellur eins og tönnum, völusteinum, kuðungum eða öðru sem hugurinn girnist.
Góða skemmtun, Villa

[Erna Bjarnadóttir, 21.2.2008 kl. 12:47]

Góð Villa!

[Ásdís (IP-tala skráð) 21.2.2008 kl. 15:49]

Nei, nei, nei, þið eruð alveg komnar út í móa. Auðvitað er bara að þæfa pífuna svo þú þurfir helst að pína þig í hana. Efri delurinn er auðvitað lungamjúkt lambaskinnsvesti og enga sauðskinnsskó heldur a.m.k. hnéhá leðurstígvél. Ertu svo ekki alvöru hestakona sem á písk?