Pæjur

Jæja, þá er búið að forða erfingjunum frá jólakettinum þetta árið . Þær eru núna dansandi fyrir framan stærsta spegilinn á heimilinu. Sá glottir reyndar daglega framan í mig því hann stendur vörð um herbergisdyrnar . En sumsé bréfdúfurnar flognar með öll jólakortin, búið að semja um baksturinn við Jóa í Bónus, mamma býður í jólamatinn svo hér er lítið um svokallað jólastress. Bara fuuuulllllt af frídögum framundan .

Athugasemdir

[Sveitakarlinn (IP-tala skráð) 19.12.2007 kl. 13:55]

Gott að jólakötturinn fitnar ekki af erfingjaáti á þínu heimili  og vonandi ertu búin að forða þér líka  og hvernig glotta speglar? Hef ekki séð svoleiðis en gott ef þú hefur vörð við dyrnar. Svo þið notið enn dúfurnar þarna vesturfrá. Hér er það Pósturinn sem fer með kortin, mörg ár síðan við hættum að senda með fuglunum  vonandi að þær rati á rétta staði. Er Bónus Jói farinn að taka að sér bakstur fyrir konur útí bæ? Hélt fyrst að þú ættir við Jóa Fel  En gott að búið er að sjá fyrir öllu og þið getið slappað af fyrir jólahátíðina og notið hennar þegar hún gengur í garð.

[Erna Bjarnadóttir, 19.12.2007 kl. 14:19]

Mér fannst upplagt að nota dúfurnar í rokinu, flest kortin fara norður og austur og vindur hefur verið hagstæður að því leyti. Tja Jói gerir þetta fyrir okkur hérna á Nesinu... bara svo margir sem nota þetta að hann afgreiðir þetta í Bónus kallinn.

Spegillinn hefur staðið sig vel skal ég segja þér, aðeins spengilegustu karlmenn voga sér í átt að herberginu mínu..... hinir sjá sitt óvænna hehe