Innileiki og ábyrgðarleysi

Þegar valdhafi gleymir @-merki í samúðarkveðju og útskýrir það með því að hann hafi verið að brúna kartöflur og bíða eftir mömmu í mat

- og samfélagið svarar með hjörtum, broskörlum og skilaboðum um hvað þetta sé fallegt, mannlegt og dásamlegt

þá er ekki vandinn hjá þeim sem gleymdi @-merkinu
- heldur hjá þeim sem kalla þetta gott

Við höfum skapað samfélag þar sem mistök eru í lagi
- ef þeim fylgir nægur innileiki

...þar sem hugljúf skýring leysir fagmennsku af hólmi

...þar sem tækifæri til að ræða ábyrgð er þaggað niður með góðum vilja og páskasteik.

Það sem kallað er mannlegt er stundum hæfileikinn til að snúa athyglinni frá ábyrgð yfir í aðdáun -

og það elskar þjóðin

- nema það komi frá þeim sem ekki kunna að brúna kartöflur...