Áfram dagar ólmir æða...

ekkert á því lát.

Vill einhver bonta?

Jæja það er nóg að gera í Mýrinni og Höllinni þessa dagana. Þó það hafi ekki verið ætlun mín að minnast á vinnuna hér á blogginu hafa gríðarlegar hækkanir á áburði og á heimsmarkaðsverði kornvara tekið hug minn hálfan upp á síðkastið, (ekki sjens að það verði meira). Meira um það á www.bondi.is

En af hestunum er það að frétta að Smári er farinn í vist að Hallkelsstaðahlíð í Hnappadal. Skúli bóndi kennir honum vonandi háttprýði og siðsemi svo það verði á allra færi að njóta hæfileika hans á eftir. Nógur er gangurinn og hæfileikarnir. Í staðinn er herra Þytur kominn til dvalar í Fjárborg. Það gullu við húrrahróp í Mýrinni þegar það fréttist og svo er aldrei að vita nema hann nýtist til reiðkennslu síðar meir. Pabbi var svo elskulegur að ferja strákana fyrir mig í dag og svo átti Kvika litla að fá að fara aftur heim að Stakkhamri frá Hlíð en þar er hún búin að vera í tvo mánuði, orðin dugleg og veraldarvön.

Vonandi verður Þytur járnaður í kvöld og þá verður nú aldeilis hægt að hafa gaman af útreiðum ef veður leyfir næstu daga.

Athugasemdir

[Galdrakallinn (IP-tala skráð) 6.2.2008 kl. 19:38]

Það er þá von til þess að Smári skilji orðið var-lega,það er nú ekki töffaraskapur að vera skipt út og sendur í sveit.(gott að Breiðavík er ekki lengur rekið í þeirri mynd sem var)en vonandi verður Smári betri til reiða eftir sveitaferðina

Smávegis úr orðabókinni

Ger legur----notaðar á persónur

Sængur-legur ---á ekki við í dag.það eru engar sængur lengur

Yfir-lega -------------fyrir námsmenn og nörda

Höfuð-lega ----getur átt við kodda

Og ekki má gleyma Lag-legur á við t.d um mig og yfirbloggarann ,

[Kristjana Bjarnadóttir, 6.2.2008 kl. 20:10]

Nú er ég forvitin hvaða botni þú lumar á. Ég smíðaði tvo, var ekki ánægð með þann fyrri svo ég bar gerði annan, finnst sá seinni betri:

Áfram dagar ólmir æða

ekkert á því lát.

Sólargeislar snjóinn bræða

við skulum vera kát Áfram dagar ólmir æða

ekkert á því lát.

Njóta viljum vorra gæða

á völtum lífsins bát.

[Kristjana Bjarnadóttir, 6.2.2008 kl. 20:12]

Þetta er ömurlegt forrit. Ruglar öllum línum. fer alveg með fegurðarskynið mitt. ´Hér kemur þetta aftur

Áfram dagar ólmir æða
ekkert á því lát.´
Sólargeislar snjóinn bræða
við skulum vera kát.

Áfram dagar ólmir æða
ekkert á því lát.
Njóta viljum vorra gæða
á völtum lífsins bát.

[Kristjana Bjarnadóttir, 6.2.2008 kl. 20:14]

Enn er þetta ömurlegt reyni enn einu sinni.

Áfram dagar ólmir æða
ekkert á því lát.´
Sólargeislar snjóinn bræða
við skulum vera kát.

Áfram dagar ólmir æða
ekkert á því lát.
Njóta viljum vorra gæða
á völtum lífsins bát.

[Kristjana Bjarnadóttir, 6.2.2008 kl. 20:14]

Gefst upp

[Erna Bjarnadóttir, 6.2.2008 kl. 21:52]

Heyrðu þetta er fínt hjá þér systir góð. Ég var ekki með neitt í huga en seinni botninn þinn er mitt val.

Heyrðu Galdrakall - hvað er með rúm-lega..........er það lega í rúm eða lega sem er of stór eða lega í rúminu,,,, ég verð bara að finna þessa orðabók aftur .......